Traballo por rincóns

Cada semana propoñemos actividades de lóxico-matemática, lectoescritura, arte e xogo simbólico. Os nenos e nenas elixen libremente a que recuncho acudir cada día, desenvolvendo así a súa autonomía, capacidade de decisión e organización persoal.

Ensinanza do inglés

Ademais da sesión semanal de inglés, os alumnos reciben unha hora adicional cunha persoa nativa, traballando o idioma a partir de contos e experiencias prácticas.

Así mesmo, ofrécese diariamente, en horario de mediodía, o programa AEMP (Actividades Extraescolares de Media Pensón), onde se abordan contidos de ciencias, música e o método phonics utilizando o inglés como lingua vehicular.

Ciencias

Cada semana, os alumnos acoden á aula de ciencias para realizar experimentos e actividades que lles familiarizan co método científico.

Horta escolar

Contamos cunha horta con invernadoiro, onde os alumnos plantan, coidan e observan o crecemento das súas propias colleitas para logo entregar no comedor ou levar á casa e elaborar receitas saudables.

Pastoral

Ofrecemos unha experiencia de Xesús cercana, amable e sinxela. Todas as mañás comezamos o día recoñecendo que Xesús está con nós sempre, que nos quere e nos acompaña. Aprendemos a darlle as grazas por todo o que somos e temos, a pedir perdón por aquilo que desexamos cambiar e a ofrecerlle as nosas ganas de ser mellores cada día. Presentamos un Xesús cercano, amigo, que foi neno como eles e elas; que era bo, xeneroso, solidario, xusto, divertido, alegre, sincero, respectuoso… 

Baúl Mag+s

Periodicamente realízanse sesións de Baúl Magis, unha proposta pastoral inspirada na pedagoxía Montessori que utiliza a narración de historias e símbolos para achegar a fe e a espiritualidade ignaciana aos nenos de forma vivencial e significativa.

Materiales manipulativos de elaboración propia

Deseñamos e elaboramos os nosos propios materiais, tanto fichas como recursos manipulativos, para adaptalos aos distintos ritmos de aprendizaxe e contextualizalos dentro dos proxectos en curso.

Animación á lectura

Dispoñemos dunha biblioteca Infantil propia da etapa. Cada clase ten unha hora asignada, á que acoden co titor ou titoras para a lectura de contos, buscar información sobre o tema no que están a traballar ou coller libros en préstamo para a aula. Ademais, invítase ás familias a vir a contar contos.

Psicomotricidade

Ademais das actividades de motricidade fina e grosa que se realizan na aula, os alumnos participan semanalmente nunha sesión de Educación Física cun profesor especialista.

Expresión oral

Desde o primeiro curso de Infantil traballamos a expresión oral e a oratoria. Os nenos aprenden a falar en público, presentando diferentes temas ante os seus compañeiros de forma natural e progresiva.