Formación integral

Modelo educativo baseado na Pedagoxía Ignaciana que combina a formación integral do alumnado co desenvolvemento e reforzo das destrezas necesarias para afrontar con éxito as probas competenciais da Proba de Acceso á Universidade.

Preparación académica

Os excelentes resultados obtidos ao longo dos anos, tanto no Colexio como na Proba de Acceso á Universidade, avalan este modelo de traballo e consolídannos como centro de referencia na nosa cidade.

Aspectos destacados

Acción social

O programa de acción social reflíctese na colaboración do Colexio con varias entidades da cidade (Ágora, COIF, CIS, Economato, Hospital Materno Infantil, Residencia Santa Teresa de Jornet). Máis de 70 estudantes participan axudando a nenos, mozos e maiores en situacións de conflito, exclusión social ou enfermidade.

Intercambios

Santa María do Mar ten unha longa tradición en intercambios escolares no estranxeiro (Burdeos, Toulouse, Connecticut, Winnipeg, Turín). Nestes momentos, en Bacharelato, mantemos un acordo de intercambio coa École de Provence de Marsella, Colexio da Compañía de Xesús.

Programa de alumnado acolledor

Cada ano, un grupo dos nosos estudantes participa neste programa que facilita a chegada do alumnado que se incorpora nesta etapa. Este grupo axuda aos novos alumnos a integrarse na vida do colexio.

Oratoria e debate

Grupos de estudantes seleccionados previamente participan en torneos de debate académico, tanto en lingua castelá como en lingua inglesa.

Olimpíadas

Ofrecemos a posibilidade de que o noso alumnado participe nas olimpíadas de Física, Química e Economía. Trátase de experiencias de enriquecemento curricular que reforzan os contidos das materias.

Club de lectura

O club de lectura "Café con Letras" é un espazo no que estudantes e profesorado de Bacharelato reunímonos cada seis semanas para comentar as lecturas propostas. Algunhas destas dan lugar á realización de proxectos de diversa índole.

Socios por un día

É un programa grazas ao cal o alumnado da materia de Empresa e Deseño de Negocio pode acompañar a empregados de distintas empresas ao longo da súa xornada laboral. Os participantes aprenden en que consiste o traballo diario nunha profesión concreta.

Congreso LQDVI

Cada ano, o alumnado de Bacharelato interrompe un día a súa xornada académica para acudir ao Congreso Lo Que De Verdad Importa, no que tres persoas coñecidas imparten unha ponencia sobre as súas vidas e nos achegan exemplos de superación, esforzo, resiliencia…