Con motivo do Día das Letras Galegas, o alumnado de 2º de Primaria participou durante estas semanas nun proxecto musical centrado na tradición galega.
Ao longo deste traballo, achegáronse á Muiñeira de Chantada a través de distintas actividades: primeiro, aprendendo os seus ritmos principais e acompañándoos co son das cunchas; despois, elaborando unha pandeireta con materiais reciclados para, unha vez rematada, empregala como instrumento de acompañamento da peza.
O proxecto completouse coa aprendizaxe dos pasos básicos da muiñeira (o clásico Punta-Tacón) descubrindo así non só a música, senón tamén o baile tradicional como parte fundamental da cultura galega.
Unha experiencia enriquecedora que lles permitiu aprender, crear e valorar un pouco máis o patrimonio cultural de Galicia.a
