Oito alumnos de 1º de Bacharelato participaron a fin de semana pasada na xornada rexional do Parlamento Europeo Xove, en Vigo (The European Youth Parliament). Trátase dunha liga de debate parlamentario en inglés. A súa participación foi de moi alto nivel e oxalá que sexan seleccionados para a fase nacional. Nunha das fotos, aparecen cunha das alumnas de 2º de Bacharelato que conseguiu pasar á fase internacional da edición anterior e que, neste momento, forma parte da organización.


