“De que vai isto? Isto vai de coidarnos uns aos outros”
Hoxe queremos celebrar na nosa obra o Día do Bo Trato e o Coidado. E, isto… de que vai?
O 1 de marzo é un día para lembrarnos que en calquera circunstancia debemos tratarnos ben entre todos. Porque iso nos fai ben a cada un de nós, aos de preto, e a todo o mundo mundial. Na familia, na escola, no traballo, na Igrexa, na universidade, nos centros sociais e deportivos, na discoteca… en calquera circunstancia! A todos nos gusta que nos traten ben e nos coiden cando o necesitamos, verdade?
Que é o Bo Trato? Achégate ao outro con respecto, e pensa que lle pasa? que sinte? para comprendelo e aceptalo, aínda que sexa diferente a ti. Como me gustaría a min que me tratasen? O Bo Trato non quere ser unha obriga, senón algo que nace de dentro, como cando nace unha nova criatura e tendemos a protexela… nácenos de dentro.
Para tratarnos ben, o primeiro que temos que facer é coidarnos e iso se aprende dende nenos. Por iso, o noso lema de este primeiro 1 de marzo é: «CoidarME, CoidarTE, CoidarNOS». Todos temos o poder de coidar e protexer ao outro, sobre todo ao que máis o precisa.
COIDAR-ME é coidar de min mesmo: que necesito eu para estar ben? que necesita o meu corpo? como respondo a estas necesidades? Se eu estou ben poderei coidar aos que quero e aos que me rodean cada día. Antes de coidar aos outros, hai que coidarse a un mesmo. “Ama ao próximo coma a ti mesmo”.
COIDAR-TE é coidar doutra persoa. Fíxate en que necesita e procura axudarlle e, por suposto, non lle fagas dano. Así ímonos a levar ben e seremos máis felices. CoidarTE é escoitarte, respectar a túa opinión e ofrecer o consolo cando o esperas, rir e chorar contigo. Así o outro farao tamén comigo cando o necesito. “Ama ao próximo coma a ti mesmo”.
COIDAR-NOS é unha tarefa de todos. Como comunidade temos que estar atentos a que necesitan os demais e levarnos ben para construír cousas boas xuntos. Porque todos necesitamos sentirnos amados: que nos coiden, protexan, eduquen e respecten. Se o facemos xuntos, será más doado acompañarnos cada día.
Por iso hoxe retámoste a preguntarte: Que podo facer para coidarME e coidarTE mellor, para coidarNOS máis?
Se ti coidas de ti mesmo e do outro, poderemos coidarnos entre todos. Fagamos un trato: ¡¡COÍDATE, COÍDAME, COIDÉMONOS!!